MUSCHK 會員招募日2019

由於需處理早前已入會的申請,本會將於7月23日 (星期二) 23:59暫時停收網上入會申請,直至7月28日 (星期日) 23:59為止,敬請留意。

一年一度嘅香港曼聯官方球迷會會員招募日又嚟喇,我哋會喺7月27及28號嘅中午12點到晚上8點,於尖沙咀漢口道17號adidas旗艦店1樓即場招收會員,歡迎大家嚟入會或者續會,而早前經已網上入會或續會嘅朋友,都可以嚟拎會員禮品啦!

順帶一提,招募日當日親臨入會/續會或者嚟拎禮物嘅會員,憑會員證購買任何 adidas 產品 (不包括任何 ORIGINALS,特別版及精選系列貨品) 可獲 7 折優惠!(當中必須包括一件曼聯產品)

會員招募日2019

日期:2019 年 7 月 27 及 28 日(星期六及日)
時間:中午 12 時至晚上 8 時
地點:尖沙咀漢口道17號adidas旗艦店1樓

預約時間領取會員禮物安排:

如閣下早前已透過網上填表格入會或續會,請留意入會確認電郵,入面將附上預約連結,會員可預約時間到場領取禮品及會員證,以省卻排隊時間!每小時有4節時間可供預約,每節為15分鐘 (如 1200 – 1215,1215 – 1230等)。

請留意,如沒有預約或未能依照預約時間到場,將不獲優先處理的資格,需要於即場入會的隊伍排隊領取。

//如果未能於活動當日到場領取,我哋會寄出會員證到所填寫嘅地址,並附上禮物換領信安排到交收換領中心拿取禮物 //

備註:
1. 當日即場辦理入會或續會,費用可收現金或網上信用卡。
2. 續會會員請帶備本會2018/19年度之會員證。
3. 招募活動期間,本會會員憑會員證購買任何 adidas 產品 (不包括任何 ORIGINALS,特別版及精選系列貨品) 可獲 7 折優惠!(當中必須包括一件曼聯產品)。
4. 招募日後仍可於本會網站申請入會。
5. 會籍由即日起至2020年6月30日。
6. adidas 保留修改所有優惠條款及細則或終止推廣之權利而毋須事先通知。另外,如有任何爭議,adidas 保留最終決定權。

加入球迷會可享以下禮物及福利:

※ 球迷會會員證
※ 入會禮物:紅魔餐具套裝 (連袋、筷子及匙羹) < 數量有限,送完即止>
※ 入會禮物:睇波聚會$20電子優惠碼(國際會員3張,本地會員1張,優惠碼請參閱入會電郵)
※ 續會禮物:紅魔環保飲管套裝 (連飲管及刷) <上季會員凡於7月28日前續會均可獲贈>
※ 續會禮物:額外睇波聚會$20電子優惠2張
※ 可預訂英超賽事奧脫福主場門票(只限國際會員)
※ 曼聯名宿見面活動機會(國際會員更可優先報名)
※ 商戶購物優惠
※ 球迷會活動收費優惠

註:禮品數量有限,先到先得,送完即止