曼聯傳奇球星見面會

曼聯名宿貝碧托夫(Dimitar Berbatov)、沙夏(Louis Saha)、基巴臣(Jose Kleberson)、迪贊巴(Eric Djemba-Djemba)、科東尼(Quinton Fortune)、華卓卡(Paul Rachubka)、及賓科尼(Ben Thornley) 於剛過去嘅週末來港參與「英超足球邀請賽」賽事。香港曼聯官方球迷會喺主辦單位啟航娛樂3S Entertainment協助下， 喺2018年6月10日為本會會員舉辦左一場「曼聯傳奇球星見面會」。

今次活動有過百名會員出席。七位名宿球員除左接受當日嘅主持，亦都係本會榮譽會員 Geoff Wong 黃子雄先生訪問外，更逐一同我哋會員簽名合照。席間本會會長更代表球迷會致送印有七位名宿球員名同號碼嘅球迷會波衫作為紀念禮物。

對於香港球迷嘅支持，七位名宿球員都顯得非常開心，見面會途中及完結都紛紛上載活動照片去自己嘅社交媒體平台。本會十分感激各位會員嘅熱情參與，令到活動能夠圓滿舉行！

我地下次活動再見！